Apoio da Comisión Europea á xestión española da acollida aos cidadáns europeos e colaboradores afgáns evacuados desde Kabul, coa visita este sábado ao campamento instalado na base aérea de Torrexón de Ardoz, próxima a Madrid. Unhas instalacións con capacidade para unhas 800 persoas que serven de tránsito, durante un máximo de 72 horas, para aqueles que serán trasladados, ben a outros puntos de España ou ben cara a outros países da Unión Europea (UE). A presidenta da Comisión insistiu en lembrar que «non hai ningún diálogo político» nin «recoñecemento algún» dos talibán, unicamente «contactos operacionales» co propósito de «salvar vidas», dixo Von der Leyen. Ata este sábado dous avións do operativo de evacuación español chegaran ata Torrexón de Ardoz tanto con nacionais españois como con refuxiados afgáns.
36