Aprehendidos 7,4 kg de polbo, 8 Kg de nécoras e 1,05 kg de santiaguiños en Malpica

Os feitos sucederon cando efectivos do Servizo Marítimo Provincial da Garda Civil da Coruña, observaron como un pesqueiro que entraba no porto de Malpica, patroneado por un home, tras o seu amarre no pantalán colgou dun costado da embarcación dous sacos de rede.
Unha vez en terra o patrón subiu ao volante dunha furgoneta para dirixirse aos almacéns do peirao, momento no que os efectivos actuantes solicitáronlle que os acompañase ao zona onde amarrara o pesqueiro, descubrindo a bordo deste e ocultos baixo a roupa de augas un capacho con 20,2 Kg de polbo con talla e peso regulamentario, un cubo con 9 unidades de polbo inmaturo que sumaban un total de 7,4 Kg que foi aprehendido e entregado nun centro benéfico.
Nos sacos de rede había 8 Kg de nécora dos cuales 1Kg estaba ovada e 1,05 Kg de santiaguiños, estando ambas as especies vedadas. Foron comisados todos os exemplares e ao acharse con vida devoltos ao mar.
Por estes feitos o SEMAR elevou 4 denuncias á Lei 11/2008 de Pesca de Galicia por incumprir a obrigación de pesada antes de a primeira venda, por capturar e reter a bordo especies ovadas, por capturar especies en veda e por capturar especies de talla inferior á regulamentaria.