A Axencia Española de Medicamentos e Produtos Sanitarios (AEMPS) aprobou a fase 2 de ensaios clínicos para a vacina da compañía catalá Hipra contra a COVID-19, que ampliará así as súas probas en seres humanos, segundo confirmou este luns o presidente do Goberno, Pedro Sánchez. A nova etapa desta vacina experimental realizarase en 10 hospitais españois e contará coa participación de máis de 1.000 pacientes. Trátase do primeiro ensaio Fase 2 b dunha vacina desenvolvida en España, e a súa finalidade será avaliar a seguridade e a inmunoxenicidade (a capacidade para inducir unha resposta inmune) dunha vacina de reforzo en adultos coa pauta completa de Pfizer, informou a AEMPS. A fase 2 dun ensaio clínico comprende un número maior de voluntarios, aínda que é na fase 3 cando se amplía o número de persoas ata lograr unha mostra realmente significativa.
37