O Consello de Ministros aprobou o indulto parcial a Juana Rivas, condenada a dous anos e seis meses de prisión por un delito de subtracción dos seus dous fillos menores ao non entregar aos nenos ao seu exmarido, o italiano Francesco Arcuri. Así, o Goberno rebaixou a pena de prisión a un ano e tres meses, e os seis anos de inhabilitación especial para exercer a patria potestade conmutóunos por 180 días de traballo en beneficio da comunidade. A ministra de Política Territorial e portavoz do Goberno, Isabel Rodríguez, xustificou este martes a decisión do Consello de Ministros de indultar de forma parcial a Juana Rivas ao ter en conta, fundamentalmente, o interese dos seus fillos. Fontes do Executivo resaltan que o indulto estará condicionado a que «non cometa ningún delito contra os dereitos e deberes familiares nun prazo de catro anos».
35