Apuñalan un garda de seguridade no hospital de Lugo

Hospital Lucus Augusti

Un garda de seguridade que traballa no hospital (HULA) de Lugo sufriu unha agresión, pouco antes das nove da noite deste domingo, por parte dun varón que o acoitelou cando trataba de acceder ao interior do centro sanitario para ver a súa parella, detida este domingo e que estaba sendo sometida a unha revisión.

O garda agredido está fóra de perigo e foron varios axentes da Policía Nacional, que estaban nese momento tamén no centro, os que axudaron a reducir o agresor e detelo.