A última hora deste xoves declarouse un incendio na coñecida como Casa Carnicero de Perillo. Este inmoble colonial situado xunto a ponte da Pasaxe en Oleiros foi construído en 1916 e diseñada polo arquitecto Rafael González Villar, autor do Kiosco Alfonso da Coruña. Os bombeiros conseguiron controlar o lume contra as 10 da noite. A Casa Carnicero está incluída no Plan Xeral de Ordenación Municipal (PXOM) de Oleiros de 2009, pero cunha protección non integral. De feito, o edificio estaba nun estado moi deteriorado.