Os bombeiros do parque Provincial de Carballo recibiron o aviso sobre as 01:45 horas da madrugada deste sábado, debido ao incendio nunha cociña na rúa Berdillo da localidade.
Á súa chegada ao lugar, os bombeiros provinciais extinguiron o lume situado na encimera da cociña e, posteriormente, procederon a abrir todas as fiestras para ventilar o denso fume que se estendía por toda a vivenda. Ao mesmo tempo, localizaron coa cámara térmica os gatos presentes na casa, retirándose todos eles vivos ao exterior. Tamén utilizaron o turboventilador para axudar na ventilación do fume acumulado nas estancias. Unha vez ventilado practicamente todo o piso, procederon a revisar o mobiliario da cociña por se quedasen focos activos e tamén os pisos das plantas superiores, os cales non resultaron afectados de ningunha maneira. Tras a asegurar a zona remataron o operativo, no que tamén interviñeron Policía Local e 061 de Carballo.