Os bombeiros do parque provincial de Cee acudiron na tarde deste luns ata unha vivenda na Avenida Fernando Blanco, no núcleo urbano de Cee, por un incendio na súa cociña. Xa no lugar dos feitos os profesionais procederon á extinción do lume cun extintor. Na vivenda atopábanse tres persoas que foron trasladadas en ambulancia ao hospital Virxe da Xunqueira de Cee por posible inhalación de gases.