25
- O lume iniciouse por causa do mal funcionamento dun quentador de auga
Un incendio provocou danos no baixo dunha casa en Arteixo. Afortunadamente non houbo feridos pero resultaron danados un coche, unha moto, varios colchóns e diversas ferramentas. Foi un particular quen contactou con Emerxencias.
O suceso tivo lugar na Rúa Choupana arredor das 20:10 horas deste pasado mércores. Segundo o 112 Galicia, o lume puido iniciarse polo mal funcionamento dun quentador de auga.
No operativo participaron os Bombeiros de Arteixo e Carballo, Policía Local, Garda Civil e membros de Protección Civil da localidade.