Arde un camión de gran tonelaxe na parroquia de Fontecada, en Santa Comba

Un camión grua de gran tonelaxe sufriu un incendio na tarde deste martes cando circulaba pola estrada AC-546 que une Negreira con A Pereira, á altura do Km 11,5, preto da parroquia de Fontecada. Segundo o 112 o condutor e único ocupante do camión resultou ileso. Os bombeiros do Parque Comarcal do Xallas e efectivos do Servizo Municipal de Protección Civil de Santa Comba participaron no operativo de extinción do lume, mentres axentes da Garda Civil de Tráfico regulaban o tráfico. Foi necesario usar outros dous camións con grua para retirar nunha góndola ao camión accidentado.