Alberto Núñez Feijóo sae aclamado polos compromisarios no XX Congreso Nacional do PP que lle deron o 98,35 % dos votos emitidos en Sevilla. 2.619 votos favorables a súa candidatura, dos 3.111 que asistiron ao Congreso. Non tivo ningún voto en contra dos 2.663 válidos nas urnas, pero si 44 en branco e 7 nulos.
Alberto Núñez Feijóo tomou as rendas dunha formación que hai pouco máis dun mes abriuse en canle tras a guerra interna entre Pablo Casado e Isabel Díaz Ayuso. Toca pasar páxina e mirar ao futuro e Feijóo foi o único que fixo aos ‘populares’ recobrar a ilusión e a unidade. Pero o novo líder ten por diante dous grandes retos: coser ao partido e redefinir a súa identidade fronte a Vox. Feijóo, de momento, conta co apoio de todos os ‘baróns’ do PP e “os liderados territoriais teñen un papel crave”, polo que o reto pasa tamén «por gañarse a lexitimidade e a autoridade que non tivo Casado e construír un proxecto que seduza a todos os territorios por igual”. En todo caso, segue habendo unha voz territorial que se alza sobre o resto e esa é Ayuso, que continúa facendo discursos duros día a día de oposición ao Executivo nacional.