Este martes comezaron as probas de cribado entre os traballadores do sector da hostalería de Santa Comba, onde o número de casos activos por coronavirus é de 46. As probas, que se están realizando no centro de saúde da vila, permitirán localizar afectados asintomáticos.
Membros de Protección Civil e Policía Local de Santa Comba puxeron en marcha un amplo dispositivo para que o cribado conte con todas as precaucións posibles, ademais de evitar aglomeracións.