- O incendio orixinouse nun amoreamento de leña sobre as oito e media da tarde deste venres
Un lume orixinado nun amontoamento de leña no faiado dunha vivenda da parroquia de Paramos, no concello de Val do Dubra, provocou danos nun alpendre adosado á mesma.
Os bombeiros de Santa Comba recibiron unha chamada de alerta do 112 Galicia arredor das 20:20 horas deste pasado venres, polo que acudiron ata o lugar para realizar as tarefas de extinción, intentando que o lume non se propagara á vivenda colindante e refrixerando «gran volume de leña para poder chegar á base do incendio e evitar así a posible reignición», sinalan os bombeiros do Xallas.
Os labores de extinción remataron pasadas as doce e media da noite e afortunadamente só houbo que lamentar danos materiais, leña e varias uralitas.