O departamento de Medio Ambiente do Concello de Arteixo iniciou en maio o segundo período de desbroces anual que finalizará a principios do próximo mes de xullo.
Traballan actualmente nestes labores cinco tractores, tres de propiedade municipal e dous dunha empresa privada que reforza estas tarefas nos meses de primavera e verán. Este ano, a campaña comezou un pouco máis tarde debido á crise do coronavirus.
Arteixo dispón de 330 quilómetros de vías públicas que se limpan tres ou catro veces cada ano dependendo do uso e da proliferación da maleza nos distintos puntos do municipio.
O servizo municipal de xardiñeiría desbroza anualmente unha media de 1.100 km de camiños, sobre todo entre maio e setembro.