Achegar o uso das novas tecnoloxías aos adultos e reducir a brecha dixital entre xeracións é o obxectivo dos cursos de smartphone e informática que pon en marcha o departamento de participación cidadá. As redes sociais e os trámites on-line serán as novidades dos cursos de informática e smartphone para adultos programados en Arteixo. Nesta ocasión trátase de cursos de informática, iniciación a internet e ofimática; trámites on line e redes sociais seguras.
Os cursos, que costan entre 15 e 30€, impartiranse nos centros de maiores de Arteixo, centro sociocultural de Meicende; e nos centros sociais de Rañobre, Rañal, Froxel e Suevos en distintas datas e horarios. As inscricións, en ambos casos, pódense formalizar ata o 17 de setembro no departamento de Participación ou enviando a Folla de inscrición a través de participacion.cidada@arteixo.org e no teléfono 981 659 180