As autoridades chinesas manteñen a cifra oficial de sete mortes por covid esta semana, pero as redes difunden imaxes de hospitais colapsados e témese que as vítimas mortais sexan moitas máis.
O brusco cambio de política chinesa pillou desprevido a un fráxil sistema sanitario, polo que os hospitais necesitan máis camas e sangue, as farmacias piden máis medicamentos e as autoridades están a construír clínicas a fume de carozo.
Ante o aumento do brote e as protestas xeneralizadas contra o seu réxime de confinamento e probas de “COVID cero”, China comezou a desmantelalo este mes, converténdose no último gran país en pasar a convivir co virus.
China informou de menos de 4.000 novos casos locais sintomáticos de COVID en todo o país o 22 de decembro, e ningunha nova morte por COVID por terceiro día consecutivo. As autoridades restrinxiron os criterios para determinar as mortes por COVID, provocando as críticas de moitos expertos.