Esta pasada fin de semana os concelleiros de Medio Ambiente, Miguel Vales, e Seguridade, Juan Seoane, participaron nos actos de izado das bandeiras azuis nas praias de Razo, Baldaio-Saíñas e Pedra do Sal acompañados polo xefe de Protección Civil, Javier Souto, e membros do equipo de salvamento e socorrismo que presta os seus servizos nos areais.
Tamén se colocaron as bandeiras do proxecto Carballo é mar, que inclúe os certificados europeos ISO 14001 e EMAS, símbolos do compromiso do Concello de Carballo co desenvolvemento sostible dunha área tan sensible coma esta costa. Froito dese compromiso, este ano tamén se renovou o distintivo do sendeiro azul para a senda costeira que discorre entre Razo e Baldaio.
As bandeiras e os certificados europeos distinguen a boa calidade das augas de baño, dos areais e dos servizos que se presta aos usuarios e usuarias dos mesmos .