44
Se as normas sanitarias fan que as casetas sexan inviables economicamente ao reducir a ocupación, barállase a posibilidade de convertelas en carpas abertas igual que se fai nas feiras. A comisión de festas aposta por actos pequenos en todos os barrios para crear ambiente festivo, pero antepoñendo sempre a seguridade fronte ao coronavirus. Encher os barrios de música e elementos artísticos, recuperar o ambiente rural e deseñar novos eventos que poidan celebrarse sen riscos sanitarios, son algunhas das ideas propostas na primeira xuntanza da comisión de festas do San Froilán cos colectivos da cidade de Lugo. As celebracións van ter lugar, pero antepoñendo sempre os criterios de protección marcados pola Lei.