As compañías aéreas europeas prepáranse para retomar o voo este verán, o primeiro paso é poñer a punto os avións que permaneceron en terra durante demasiado tempo por mor das restricións impostas pola pandemia. E a tarefa que teñen por diante é inmesa. Un a un, os avións son trasladados aos hangares onde teñen que pasar centos de horas de controis técnicos destinados a garantir a súa seguridade. Algúns avións pasaron un ano en terra en condicións de almacenamento e hai que traballar para que volvan estar operativos. «Require moitas inspeccións. Revísase cada un dos sistemas, cada compoñente da aeronave debe ser inspeccionado. Próbase todo de acordo cos manuais e iso fai que a aeronave volva ser segura», explica Simon Michaux, xefe do equipo técnico da compañía Brussels Airlines.
46