O Goberno comunicou ás Comunidades Autónomas que recibirán do Estado os maiores recursos da historia, con 154.467,33 millóns. Esto supón alcanzar unha nova cifra récord para as CCAA, ao incrementarse un 14,86% con respecto ao ano 2023. Este aumento notable de ingresos foi comunicado pola vicepresidenta cuarta e ministra de Facenda e Función Pública, María Jesús Montero, no marco do Consello de Política Fiscal e Financeira (CPFF) que presidiu. Unha reunión na que Montero trasladou ás autonomías que volverá reabrir o debate sobre a reforma do sistema de financiamento e na que lles comunicou que o seu obxectivo de déficit flexibilizarase a cambio dun maior esforzo da Administración Central.
Esta histórica dotación para as CCAA e as Cidades Autónomas de Ceuta e Melilla explícase coas entregas a conta, que chegan aos 134.658,34 millóns, un 8,34% máis que en 2023. A esta cifra hai que sumar a previsión de liquidación de 2022, que é a diferenza entre a estimación de ingresos para as autonomías (entregas a conta) e os ingresos reais cando finaliza o exercicio contable, e cuxa liquidación se realiza con dous anos de decalaje, que se sitúa nos 20.745,77 millóns. Por último, hai que restar á suma de ambos os conceptos as liquidacións negativas dos anos 2008 e 2009, como marca a lei, cifradas en 936,83 millóns.
Estas dúas cifras son as que permiten alcanzar eses 154.467,23 millóns destinados aos Executivos autonómicos, o que permitirá ás CCAA dispoñer dun financiamento adaptado á conxuntura económica actual, como destacou a vicepresidenta cuarta.