As Eiroas asolagarase este martes 21 de decembro, a partir das 18:00 horas, con todos os ingredientes tradicionais nestas datas do Nadal. As categorías promesas, prebenxamín, benxamín e biberóns das Escolas Luís Calvo Sanz celebrarán a súa festa de Nadal antes do parón vacacional.
As e os máis pequenos da canteira recibirán a visita de Papá Noel e xogarán partidos amigables entre as categorías para acabar, esta xornada de peche de ano, cunha pequena merenda para todos. As actividades programadas realizaranse ao aire libre nas instalacións do Estadio Municipal de As Eiroas, a partir das 18:00 horas, e cumpriranse en todo momento os protocolos Covid-19 establecidos como a distancia interpersoal e a obrigatoriedade do uso da máscara, entre outros. Deste xeito, as Escolas Luís Calvo despedirá este ano 2021, un ano histórico para o club así como para a canteira.
Escolas Luís Calvo Sanz
As Escolas de fútbol que preside Chicha Calvo, creáronse no ano 2001. Luciano Calvo Pumpido como presidente, e, José Ramón Torres Pichel como director, foron os fundadores desta institución deportiva que pretendía fomentar o fútbol basee e os seus valores deportivos en Carballo, comarca de Bergantiños, Costa da Morte e zonas de influencia da Coruña e Mariñas. Tras a consolidación da estrutura, desde os 4 anos ata a categoría de veteranos, no ano 2016, créase a sección feminina coa participación de nenas en categorías basee e sénior. Son moitas as actividades que se desenvolven para promover este deporte en Carballo e o seu ámbito de influencia.
Na actualidade, a estrutura conta con 30 equipos, (2, biberón; 4, Prebenxamín; 5, benxamín; 5, alevín; 1 promesas feminino; 1 feminino Copa Gallaecia; 4, infantil; 3, cadete; 2, xuvenil; sénior masculino; sénior feminino e veteranos), dirixidos por 38 técnicos titulados, sumando máis de 500 licenzas, sendo un dos referentes de Galicia.