O Consello de Ministros aprobou este martes o fin do uso obrigatorio das máscaras no transporte público fronte aos contaxios de COVID-19. O cambio entrou en vigor este mércores 8 de febreiro, en canto se publicou no Boletín Oficial do Estado. A medida de protección seguirase esixindo, con todo, en centros sanitarios, farmacias e residencias, segundo recalcou a ministra de Sanidade, Carolina Darias, quen chamou a un uso «responsable» se se teñen síntomas de enfermidade respiratoria aguda ou se está en contacto con persoas vulnerables. Na rolda de prensa tras a reunión do gabinete, Darias explicou que a norma se mantén sen cambios nos centros sociosanitarios, onde non é obrigatoria para as persoas que viven neles, aínda que si para quen traballa e quen vai de visita, «pola vulnerabilidade das persoas que alí se atopan».
45