Unha alerta da INTERPOL advirte que as organizacións delituosas están a utilizar servizos de entrega de comida a domicilio para transportar drogas e outros bens ilícitos no confinamento pola pandemia mundial da COVID-19.
A INTERPOL recibiu informes da policía de España, Irlanda, Malaisia e o Reino Unido nos que se identifican a repartidores de envíos, transportando drogas como cocaína, marihuana, ketamina e éxtase.
A principios de abril, a Policía Nacional identificou e detivo a sete persoas portando uniformes de condutores de repartición de comida en Alacante e Valencia. Os sospeitosos foron capturados entregando cocaína e marihuana en bicicleta, motocicleta e coche – algunhas das drogas foran ocultadas dentro dun falso fondo de mochilas de entrega a domicilio.
«A vocación da Policía Nacional como garante dos postulados da estratexia de Seguridade Nacional implica o noso constante apoio a todas aquelas iniciativas que dan resposta aos novos retos en materia de seguridade», manifestou o Xefe da División de Cooperación Internacional, Comisario Principal Carlos A. Vázquez Ara.