61
12 mortos en dez días como consecuencia das inundacións provocadas polas fortes precipitacións que azoutan o sueste de Francia. Polo menos seis persoas faleceron durante o último episodio de choivas torrenciais rexistrado desde a pasada fin de semana. O domingo foi a xornada máis tráxica. Tres membros dunha unidade de Protección Civil morreron cando o helicóptero no que viaxaban sufriu un accidente preto de Marsella. Máis dun centenar de persoas evacuadas das súas casas, escolas pechadas, liñas de tren cortadas, servizos por estrada baixo mínimos. Chove sobre mollado nunha zona que sofre o segundo episodio destas características en pouco máis dunha semana.