Traballadores de subcontratas de R mobilízanse contra os plans da empresa de telecomunicacións de prescindir dos seus servizos. Este martes concentráronse ante a sede da compañía, na Coruña. Din que R prevé cambiar de provedores sen posibilidade de subrogar os traballadores, o que en principio deixaría na rúa preto dun milleiro de persoas. E aseguran que poderían ser máis, porque a empresa está a revisar os contratos que ten con varios provedores na provincia.