O aparello eléctrico acompañado de fortes precipitacións e, nalgúns puntos, saraiba afectou especialmente ao sur da provincia da Coruña, nas comarcas de Arzúa e Santiago. Pouco antes das seis da tarde caía unha tromba de auga en Santiago, que veu acompañada por forte pedrazo escurecendo o ceo coma se quedase pouco para anoitecer. Caeron en dez minutos sete litros por metro cadrado complicando nalgúsn treitos a circulación nas estradas e algunhas inundacións en baixos e garaxes. Os raios foron habituais nestas treboadas e o dato xeral sinala que en Galicia caeron case 2.500 raios durante a xornada deste martes.