- Unha persoa precisou asistencia sanitaria ao saírse da vía co seu coche en Bustelo, Dumbría
A Axencia Estatal de Meteoroloxía de España (AEMET) xa advertía fai uns días do intenso frío que nos acompañaría durante este comezo de semana. Os -0.5ºC que marcaba o termómetro esta pasada noite en Agualada (Coristanco) e Vimianzo xa aventuraban que este martes espertariamos con bastante xeo. Nesta última localidade, o frío e o xeo quedaron patentes desde ben cedo, como aconteceu na aldea de Baíñas, onde ás 08:00 horas había -3.5ºC.
As fortes xeadas provocaron numerosos accidentes e atascos en diferentes estradas da Costa da Morte. Polo de agora o incidente de maior gravidade deuse na AC-550, cerca do lugar de Bustelo, no Concello de Dumbría. Unha persoa resultou ferida e tivo que ser traslada en ambulancia ao hospital Virxe da Xunqueira de Cee despois de saírse da vía co seu vehículo.
Accidentes en diferentes localizacións
Ás 08:00 horas tivo lugar na autovía da Costa da Morte un accidente na primeira saída á Coristanco. As placas de xeo tamén provocaron outro incidente na estrada de Rus á Coristanco, así como varias retencións desde esta localidade á Santa Comba.
Un autobús tamén se saíu da vía esta mañá na estrada de Verdillo á Laracha, e na zona de Agualada houbo outra saída de vía dun turismo.
No concello de Muxía, produciuse un accidente de tráfico no cruzamento de Senande (fotografía), e en Vimianzo, preto do matadoiro comarcal, outro.
En Berdoias, no tan temido cruzamento, houbo atascos desde primeira hora da mañá porque «a estrada é unha pista de patinaxe», segundo lles comunicaron algunhas autoridades á varios condutores alí presentes. Houbo retencións desde as 08:30 horas ata aproximadamente as 10.30, cando a esa hora fixo acto de presenza no lugar un camión con sal.
Retrasos que algúns condutores non se explican sabendo xa o que «se nos viña encima».