Asasinada unha muller presuntamente pola súa parella en Zaragoza

Unha muller de 35 anos morreu en Zaragoza presuntamente asasinada pola súa parella sentimental, un home de 31, que se atopa detido e custodiado pola policía nun hospital da capital aragonesa tras lanzarse ao baleiro. O presunto autor, que tiña unha orde de afastamento en vigor que xa incumprira noutras ocasións, precipitouse desde o quinto piso dunha vivenda do barrio das Fontes da capital aragonesa e atópase grave na UCI do Hospital Miguel Servet. Ao derrubar a porta e acceder ao piso que habitaba, a Policía Nacional atopou o corpo sen vida da muller. O grupo de Homicidios estuda o motivo destes encontros e as circunstancias do crime. O home ten, ademais, numerosos antecedentes por outros delitos.