Este martes asinouse a acta de replanteo para o inicio das obras de melloras de camiños municipais de parcelas agrícolas de Malpica: o camiño de Pontella ata o Oratorio de Mens e o camiño de Oratorio ao río de Vaa. O alcalde de Malpica, Eduardo Parga e o concelleiro de obras, Miguel Ángel Fernández, reuníronse coa empresa adxudicataria para formalizar o inicio das obras e posteriormente visitaron os camiños onde se realizarán as melloras. A empresa de mantemento forestal MG S.L será a encargada de realizar estes traballos que contan cun orzamento de 64 mil euros.