Finalmente AstraZeneca dá marcha atrás e comprométese a entregarlle á Unión Europea a cantidade de vacinas pactadas e nove millóns de doses adicionais.
Serán 40 millóns en total. A decisión coñeceuse tras a reunión telemática que mantivo a presidenta da comisión europea, Ursula von der Leyen, con representantes da farmaceútica. A entrega será no primeiro trimestre do ano. A vacina de AstraZeneca súmase ás que xa se están aplicando de Pfizer e Moderna.