36
Rusia lanzou este venres polo menos sesenta mísiles contra varias localidades ucraínas, entre elas Kiev e Jarkov, causando a morte a polo menos dúas persoas e cortes nas subministracións de auga e electricidade. As forzas de defensa aérea ucraína derrubaron 37 mísiles dos 40 dirixidos contra Kiev, segundo o portavoz da administración militar. A capital sufriu un dos maiores ataques desde o comezo da invasión, engadiu. O metro paralizouse e as estacións serviron como refuxios. As forzas aéreas ucraínas informaron de que Rusia lanzou os foguetes desde posicións no mar Negro e empregou bombardeiros para distraer e dificultar a tarefa de defensa.