Aterra de emerxencia en Barajas un avión avariado de Air Canadá


O avión tomou terra «sen incidencias e os mecánicos están a valorar o estado da nave. Trátase dun Boeing 767-300 da compañía canadense que despegou do aeroporto madrileño rumbo a Toronto (Canadá) ás 14:33 horas e, tras detectar problemas técnicos, estivo preto de catro horas queimando combustible ata poder tomar terra. O Sindicato Español de Pilotos de Liñas Aérea (Sepla) detallou que o avión perdeu pezas do tren de aterraxe que entraron no motor esquerdo, polo que había de estar tres horas queimando combustible antes de aterrar, tal e como marca o protocolo. En prevención, activouse o dispositivo de seguridade do Concello da capital e da Comunidad de Madrid. Desprazáronse ao lugar polo menos seis dotacións da Comunidade e outras tantas do Concello, ademais de persoal sanitario do servizo municipal e rexional de urxencias ( Samur e Summa), confirmaron fontes de Emerxencias 112. O aeroporto de Madrid Barajas viviu este luns unha xornada de tráfico complicado despois de que ao mediodía se tivese que pechar o espazo aéreo durante dúas horas pola presenza dun dron, obrigando a desviar 17 voos a outros aeroportos españois.