Atopan o corpo sen vida dun septuaxenario desaparecido en Sada

O operativo de procura permanecía activo desde o venres, despois de que os seus achegados rexistraran unha denuncia ante a Garda Civil en Oleiros, e fora visto por última vez na contorna do lugar de Tarabelo, nese municipio coruñés. Segundo confirmou o instituto armado, ás 11:30 horas da mañá deste martes unha patrulla de seguridade cidadá do posto de Sada localizou o corpo sen vida deste home nunha cala da zona. Celso Pérez Regueiro, o home que apareceu falecido tiña 73 anos.