0
En Vimianzo, unha persoa foi trasladada en ambulancia despois de que a atropelaran na estrada AC-552, ao seu paso polo centro do municipio. Un particular informou ao 112 dez minutos antes das 9 horas deste domingo, explicando que un vehículo acababa de atropelar a unha persoa, que neses intres xa estaba sendo atendida polo persoal sanitario. Ademais de Urxencias Sanitarias de Galicia-061, ata o punto desprazouse unha patrulla da Garda Civil de Tráfico. Finalmente, a persoa foi evacuada en ambulancia ao centro médico da localidade.