- Ademais, no mes de maio foron retirados 28 niños
A campaña de trampeo de velutina en Carballo rematou cun balance de 15.952 raíñas capturadas, o que supón un incremento do 27,5% con respecto ao ano pasado. O aumento das avespas correspóndese co do número de persoas colaboradoras, que pasou de 57 a 78, e de trampas, que se incrementou de 737 a 867.
A campaña de trampeo concéntrase entre os meses de marzo de maio, coincidindo coa aparición dos primeiros niños primarios. O intenso traballo realizado polo Servizo Municipal de Control de Pragas e as persoas colaboradoras permitiu atrapar 2.868 raíñas no mes de marzo, 7.870 no de abril e 5.202 no de maio.
No mes de maio retiráronse un total de 28 niños, case todos primarios, que se suman a un total de 34 no que levamos de ano.
Tamén se rexistrou a primeira picadura a unha persoa que tivo que ser atendida no hospital. No que vai de ano levamos retirados 34 niños.