En Gaza centos de persoas desfilaron este sábado polas rúas levando aos ombreiros os corpos dos dez membros da familia Abu Hatab, 8 nenos e dúas mulleres, mortos por un ataque aéreo israelí. Israel declarou que eliminou a «centos» de membros de Hamás mortos tras tirar 500 toneladas de bombas sobre Gaza. Combatentes de Hamás lanzaron un número indeterminado de foguetes desde Gaza cara á zona de Gush Dan ao redor de Tel Aviv. En Ramat Gan, un suburbio da capital israelí, un home de 51 anos morreu polo impacto directo dun foguete nun edificio. Ademais, o Exército israelí fíxo saltar polo aire un edificio de 12 plantas na cidade de Gaza que albergaba oficinas de medios internacionais: entre outras, da axencia estadounidense de noticias Associated Press (AP) e da televisión catarí Al-Jazeera. É o quinto edificio de gran altura que destrúe Israel en Gaza na última semana.
44