O Goberno de Austria aprobou este venres un confinamento xeral a partir do luns, despois de que as medidas adoptadas ata o de agora -incluídas restricións ao movemento dos non vacinados- non freasen o aumento dos contaxios. O chanceler federal Alexander Schallenberg anunciou a vacinación obrigatoria a partir de febreiro de 2022 de todos os residentes do país, no que ao redor do 65 % da poboación ten a pauta completa, unha das cifras máis baixas de Europa Occidental. A taxa de contaxios atópanse entre as máis altas do continente, con case mil casos por 100.000 habitantes. A principios desta semana, Austria xa iniciara un confinamento para os non vacinados ou recentemente curados, converténdose no primeiro país da Unión Europea en adoptar esta medida, e aínda que se prevé que dure ata o 12 de decembro, podería reevaluarse ao cabo de dez días se a situación da pandemia mellorou.
29