Preto de 10 000 turistas fixéronse coa illa da Palma esta fin de semana, máis longa pola celebración de Todos os Santos. Observan o volcán desde todos os ángulos, algúns veñen preparados con lentes, pero sobre todo levan o móbil para inmortalizar a erupción. Os billetes de barco e avión están practicamente esgotados. Varias estradas pecháronse aos vehículos privados para evitar o caos e ofrecéronse autobuses para que os turistas poidan moverse.
Mentres, os investigadores que están en primeira liña estudan as últimas ‘bombas de lava’ que está a cuspir o volcán. Algúns piroclastos alcanzaron os 4000 metros na última xornada. Cumbre Vieja non deixou de rexistrar varias explosións. Segundo o comité científico poden ser causadas por un proceso de intensificación da desgasificación. Ademais os tremores non cesan. Este sábado a illa rexistrou un sismo de magnitude 5, o terremoto de maior magnitude que se produciu desde que comezou a erupción.