Avances para un principio de acordo entre PP e Soria ¡Ya! para gobernar Castela e León

O presidente en funcións da Junta, Alfonso Fernández Mañueco, e o portavoz de Soria ¡Ya! -partido que conseguiu tres procuradores nas pasadas eleccións-, Ángel Ceña, mantiveron este sábado unha reunión enmarcada dentro da rolda de contactos do PP para lograr un acordo de gobernabilidade na Comunidade. Sería un «acordo parlamentario» xunto a outras formacións que permita ao PP un goberno en solitario en Castela e León sen a presenza de Vox. «Se Vox entra no Goberno, nós non seriamos necesarios e as nosas demandas non serían por tanto escoitadas», argumentou Ceña, que se manifestou «moderadamente satisfeito» tras o seu encontro con Mañueco.