A Asociación Cultural Axio Mouro continúa na súa labor de divulgar e expandir a cultura tradicional galega. Nestas datas, fano recuperando os Cantos de Nadal que percorrían antaño as vilas de Santa Comba por estas datas. Fanos en dous días e repartidos en dous grupos, con multiples paradas polas parroquias do concello xalleiro.
Así o compartían nas súas redes sociais: ” Na nosa misión de recuperar o que parece esquecido e inspirados por xente da zona decidimos traer de volta os Cantos de Nadal a Santa Comba. Serán os días 23 e 24 de decembro e farémolos con varios grupos distribuidos polas parroquias do concello para que ninguén se quede sin escuitarnos. Xunto coas Petozas e os Santa Combers, tentaremos revivir estas melodías e costumes que parecían esquecidas. “
As actuacións serán as seguintes: Sábado 23
- 16:00h – Alón: Igrexa
- 16:40h – Fontecada: Bar Capricho
- 17:00h – Ser: Casa da Escola
- 17:20h – A Pereira: Casa da Escola
- 17:30h – Montouto: Igrexa
- 18:00h – Mallón: Casa da Escola
- 18:20h – Freixeiro: Escola do Castro
- 18:40h – Grixoa: Taberna do Vilar
- 19:00h – Santa Comba: Fontenla
Domingo 24
- 16:00h – Arantón: Igrexa
- 16:00h – Vilamaior: Taberna O Cruce
- 16:40h – Cícere: Pazo
- 16:40h – Bazar: Casa da Escola
- 17:20h – Castriz: Bar Cataliño
- 17:20h – Santa Sabiña: Bar O Campo
- 18:00h – G. Esternande: Casa da Escola
- 18:40h – San Salvador: TeleClub