60
Baíñas puxo na tarde deste sábado o broche de ouro ao Entroido de Vimianzo con 2870 euros en premios, con arredor de 30 concursantes tanto nos ámbitos individuais como colectivos nun aberto e prometedor desfile.
Quenllas, gardas forestais, dinosaurios, kioskos, bombeiros, astronautas ou indios foron algunhas das propostas das e dos participantes desta edición onde houbo animación, música e gastronomía.
Cocido con grelos, pan, viño e filloas e a actuación de DJ Xavineta capitalizaron a troula onde comparsas, grupos, parellas e pequenos e maiores na categoría individual se repartiron os case 3000 euros en premios.