- O obxectivo destes talleres é previr o consumo de alcol en menores
Con motivo do Día Mundial sen Alcol, que se celebra o 15 de novembro, a Asociación Vieiro programou do día 11 ao 15 unha serie de talleres no ámbito escolar baixo o lema Bebendo Saúde. O obxectivo destas actividades é previr o consumo desta substancia e informar acerca dos problemas asociados.
Os talleres que se levarán a cabo en todos os centros educativos de educación primaria do Municipio de Carballo están destinados ao alumnado de 5º e 6º. Realizaranse distintas actividades para sensibilizar acerca dos riscos e o perigo do seu consumo de alcol.
Este programa é totalmente gratuíto e está subvencionado polo Servizo de prevención de Condutas Adictivas da Dirección Xeral de Innovación e Xestión de Saúde Pública da Consellería de Sanidade da Xunta de Galicia.