O alcalde de Sada, Óscar Benito Portela, manifestou este sábado que os usos para o Pazo de Meirás xa están definidos no decreto de 2008 polo que a Xunta de Galicia declarou Ben de Interese Cultural este inmoble. Apunta que os usos «a maiores» que poidan darse ao complexo deben respectar os que marca dita declaración. Ademais afirmou que o goberno de Sada non coincide «en todo» o que expón o plan presentado pola Xunta de Galicia. Portela afirma que Meirás debe servir para actuar de memoria dos represaliados tras o golpe de estado de 1936 e o réxime franquista.