O Bergantiños non puido sacarlle partido á vantaxe moral de xogar na casa este domingo contra a Sarriana. Secho contou coas baixas destacadas de Mario Musy, Tomé e o gravemente lesionado Baleato, a quen os seus compañeiros quixeron darlle moito ánimo saíndo ao campo cunha camiseta co seu nome. O conxunto visitante presentouse nas Eiroas co seu xogo habitual xogo combinativo e construído ao redor da posesión da pelota. O gol local non se facía derogar e chegaba a balón parado no minuto 11, David Álvarez sacou un córner e atopou a Iago López que entrou con forza no segundo pau para poñer o 1-0 no marcador. Tras o paso por vestiarios O Bergantiños relaxouse demasiado ao principio e un erro de Iago case lle custa o empate. Recuperou a partir de aí posesión e mellor xogo o equipo de Secho, pero Edgar no minuto 59 establecía as táboas no marcador, 1-1, co que o Bergantiños foi perdendo peirao e xa non sería capaz de remontar. Repartición de puntos e o equipo carballés segue en segunda posición da xeneral empatado co Alondras con 19, unha xeneral que lidera o Somozas con 22 puntos.
Arousa – Paiosaco
O Paiosaco foi un rival duro de roer para o Arousa na primeira parte. O equipo que dirixe Diego Armando García foi o primeiro en tentar abrir o marcador nunha xogada de ataque que acabou cun disparo alto de Josito. Minutos máis tarde unha xogada individual de Moure fixo intervir ao local Pacheco para cortar o disparo do 6 do Paiosaco. Con todo, o Arousa atopou o gol pouco despois mediante unha gran internada á área de Iñaki que acabou cun pase atrás cara a Borja, que puxo o interior do pé para abrir o marcador. Tras o descanso o Arousa saíu a dominar e apenas permitiu crear perigo ao Paiosaco. O cadro que dirixe Luisito estivo moi preto de ampliar a súa vantaxe, pero dúas boas intervencións do meta do Paiosaco impedíronllo. Ao final, 1-0 e tres puntos máis que se lle escapan ao conxunto larachés que queda situado no posto número oito da xeral con 14 puntos.