Na reunión mantida este luns estiveron presentes 12 concesionarios, nela aceptouse o orzamento presentado así como o prazo de inscrición para participar neste evento. De momento está confirmada a asistencia de 13 expositores, pero a cifra podería aumentar nos próximos días dado que o prazo para inscribirse e participar estará aberto ata o 29 de agosto.
Tal e como se había acordado con anterioridade as datas de celebración desta 17ª edición serán do 1 ao 4 de setembro, engadindo un día máis ao evento que en anos anteriores. Os horarios serán de 10:00 a 14:00 e de 16:00 a 20:00 horas, respetando o mesmo formato que nas últimas edicións, “Xornada de portas abertas”.
Calquera empresa que desexe información para participar pode dirixirse a Axober a través do e-mail informacion@axober.org ou no teléfono 981 756 313.