O Concello de Betanzos reformará o proxecto para a reconstrución do envolvente exterior do número 5 da rúa da Cerca, a coñecida como Casa Gótica, despois de que a licitación quedara deserta. O importe fixado no seu momento polo equipo redactor do proxecto foi de 125.000 euros, con todo, a suba do custo dos materiais fixo que ningunha empresa se presentase ao concurso. O concelleiro de Urbanismo e Centro histórico, Andrés Hermida, explicou que desde a súa concellaría se lle pediu ao equipo redactor “unha actualización dos prezos” tendo en conta esa importante suba en materiais. Ese incremento, segundo o edil, fixouse nunha subida do orzamento de licitación ata os 190.000 euros, que serán contemplados nos orzamentos municipais previstos para este exercicio.
35