46
A alcaldesa, María Barral, supervisou as obras de instalación da varanda que se está instalando no paseo da Galera. A edil, xunto ao concelleiro de Infraestruturas, Diego Fernández, explicou que despois de valorar diferentes alternativas por parte do Concello “determinouse que a mellor opción pasaba por unha varanda de granito, integrada co paseo”.
Os traballos continuarán nos próximos días e con eles substituirase a varanda de madeira que quedou danada por unha embarcación o pasado verán por un sólida, acorde coa contorna. En función do resultado, o Concello pretende instalar este tipo de varanda de granito noutras zonas da cidade.