Rusia violou « flagrantemente» os principios fundacionais das Nacións Unidas. Así empezou o presidente dos Estados Unidos, Joe Biden, a súa intervención na Asemblea Xeral da ONU.
Biden expuxo as distintas crises e dificultades que enfronta o mundo agora mesmo, algo que relacionou coa guerra de Ucraína e cuxa culpa achaca a Moscova: «Putin asegura que el tiña que actuar, porque Rusia estaba a ser ameazada. Ninguén ameazou a Rusia. Ninguén máis que Rusia foi a que buscou o conflito». «Un membro permanente do Consello de Seguridade das Nacións Unidas invadiu ao seu veciño, tentou borrar do mapa a un Estado soberano. Rusia violou descaradamente os principios fundamentais da Carta das Nacións Unidas. Todo isto sen ter en conta a clara prohibición de que os países tomen o territorio do seu veciño pola forza», explicaba Biden.