O presidente estadounidense, Joe Biden, confirmou a través das redes sociais o endurecemento das sancións a Rusia «polas súas atrocidades en Bucha». Sancións que van dirixidas contra as dúas fillas do presidente ruso, Vladímir Putin, María e Katerina, así como contra a esposa do ministro de Exteriores, Serguéi Lavrov, e varios membros do Consello de Seguridade ruso, entre eles o ex primeiro ministro Dmitri Medvédev e o actual xefe de Goberno, Mijaíl Mishustin. Segundo o comunicado da Casa Branca, as novas sancións que foron coordinadas cos seus socios occidentais do G7 e da Unión Europea (UE), vetan calquera novo investimento en Rusia para intensificar «o éxodo masivo de empresas». Ademais, este novo paquete de sancións afecta aos dous principais bancos rusos.
33