O campamento improvisado na fronteira polaca baleirouse por completo. Ao redor de 2.000 migrantes que soportaban temperaturas xélidas na fronteira de Bielorrusia con Polonia pasaron a noite nun centro loxístico despois de que o seu campamento fose desaloxado pola garda de fronteiras. Con todo, os intentos de cruzar ilegalmente a territorio da Unión Europea continúan e volvéronse máis agresivos. O xoves, medio centenar de persoas atravesaron o valo cara a Polonia. Dous grandes grupos duns 500 migrantes tentárono o venres, pero foron expulsados. Desde principios de ano rexistráronse máis de 34.000 intentos de cruzar ilegalmente a fronteira poclaco- bielorrusa nunha crise que, segundo Occidente, Minsk ideou como represalia polas sancións impostas ao seu réxime. Centos de iraquís voaron de volta a casa desde Bielorrusia tras abandonar as súas esperanzas de chegar á UE. Pero outros miles permanecen baixo cuberto nun almacén preto da fronteira.
30